VARNIŲ APYLINKIŲ LIAUDIES DAINOS Varnių ir Telšių apylinkių liaudies dainų muzikiniai įrašai Usi liliu vaika A a apa pa Pamačiau kukuti Eisiu i lauka Stuovieji bernelis Dainioukit, mergelis Jums važiūti da važiūti Pruo vīšneliu suodneli Ein našlielis par tiltieli Oi, eisiu eisiu Kuoki Dievas davi lauža Augin tievs du sūneliu Auga un kalna jūdas avieteles

Varnių ir Telšių apylinkių liaudies dainų muzikiniai įrašai

 

 

Plauki pyleli. Telšių raj., Varniai. Dainuoja J. Bukantaitė g. 1952 m.

 

 

Jauns jaunikaitis. Telšių raj., Tarvydų k. Dainuoja A. Mickuvienė g. 1939.,St. Mickus g. 1932., J. Volungevičius g. 1940 m.

 

 

Petro valsas. Telšių raj., Luokė. J. Mikuta (smuikas) g. 1926-1991 m. V.Venckus (bandonija) g, 1940 m., Z. Jonikas (basetlė) g.1931 m.

 

 

Patrepsėjimo polka. Telšių raj., Luokė. J. Lileikis (smuikas) g. 1904-1989 m.,D. Lileikis (smuikas) g. 1909-1987 m., L. Šimkus (smuikas) g. 1920-1987 m., F. Sauka (basetlė) g. 1923 m.

 

Vai jojau jojau. Luokės ap., Kuršių k. Dainuoja St. Mickus g. 1932 m., A. Mickuvienė g. 1939 m., J. Volungevičius g. 1940 m.

 

 

(Dainos ir muzika iš 1999 m. išleisto CD „Žemaičių  dainos ir šokiai". 

Sudarė Egidijus Virbašius ir Loreta Mukaitė)

 

---

Varnių apylinkių liaudies dainos

Parengė Zita Kelmickaitė

(Tekstai spausdinami žemaitiškai)

 

Usi liliu vaika

 

Usi liliu vaika,

Luopišelie laika.

Ka ta vaika netekčiau,

Luopišeli užverkčiau.

 

 

A a apa pa

A a apa pa

Zuikis vāka lingava.

Kad ta zuikia nebūtu,

Kas ton vaika lingoutu.

 

 

 

Piemenē vagīs

 

– Piemenē vagīs,

Kami junsa avīs?

– Ontruo pusie dvara

Šeši vilkai vara.

 

 

Pamačiau kukuti

Pamačiau kukuti,

Lauka gali tuponti.

– Oi kukuti kukuti,

Padūk sava kiaušuti.

 

Aš kiaušuti pjuoviejems,

Pjuoviejē mon – šīna.

Aš ton šīna – karvelē,

Mon karveli – pėina.

 

Aš ton pėina – močiutei,

Mon močiuti – sūri.

Aš ton sūri trupinau,

Visus vaikus vadinau.

 

Eisiu i lauka

Eisiu i lauka

Pasižiūrieti,

Kas girdieti naujīnu.

 

Iškrita uoras

Iš unžouleli,

Nusisuka sprondeli.

 

Siunsu purmuonka

I Šiauliūn miesta,

Kad parvežtun daktara.

 

Parvažiou meška,

Didi daktarka,

Gīdīt uora sprondeli.

 

Parsivež drigniun,

Dar ir čemeriun

Tvert pri uora sprondeli.

 

– Išgīk, vuoreli,

Šin vasareli,

Iškark visas muselis.

 

Stuovieji bernelis

Stuovieji bernelis

Ant aukšta kalneli,

Nusiskīnis bijūneli,

Viliuoji mergeli.

 

– Ar vedu ženīsmuos,

Ar rudeni lauksma,

Vuo kur ginsem šiemus jaučius –

Ar už vīškelele (i)?

 

– Jautelius ganīsma,

Ugneli kūrensiam,

Žaliū rūtu vaunikeli

Ugnėj sukūrens (am).

 

Kūrenos ugneli,

Puo žali līpeli,

Stov ir mana merguželi

Ronkas nuleidusi.

 

– Cit, neverk mergeli,

Balta lelijeli,

Rītuo juosiu i turgeli,

Pirksiu vainike (li).

 

– Kad tu ir nupirksi,

Ali nedieviesiu:

Kaip uždiesiu unt galvelis –

Kaip iš rīta ras(a).

 

Vainikelis prastas,

Darže rūtu rastas,

Kaip uždiejau unt galvelis –

Kaip tik šiauris viejs.

 

Dainioukit, mergelis

Dainioukit, mergelis,

Kuo nedainioujat,

Kuo veizat i moni

Rūpestingā?

 

Aš turiu širdeliej

Rūpesnieli –

Rūtieliu darželie

Iškadeli.

 

Rūtelis nesietas

Ir neravietas,

Vainikas nepintas

Ir nedievietas.

 

Nebsiesiu rūteliu

Neberaviesiu,

Nebpinsiu vainėka

Ir nedieviesiu.

 

Siesiu linelius

Ir tus raviesiu,

Išausiu druobeli –

Ton aš dieviesiu.

 

Jums važiūti da važiūti

Jums važiūti da važiūti,

Vuo mun meilu dar čia būti. } 2 k.

 

Palūkieki, bernužieli,

Dar aš eisiu i daržieli. } 2 k.

 

I daržieli iėjusi,

Ont rūtieliu apalpusi. } 2 k.

 

Jūs rūtelis, jūs žaliuosis,

Daugiau jūsu nebraviesiu. } 2 k.

 

Palūkieki, bernužieli,

Dar aš eisiu pas močiuti. } 2 k.

 

Pas močiuti atejusi,

Jont runkeliu apalpusi. } 2 k.

 

Jūs ronkelis, jūs baltuosis

Daugiau manis nemīluosit. } 2 k.

 

Palūkieki, bernužieli,

Dar aš eisiu pas tievieli. } 2 k.

 

Pas tievieli atejusi,

Jont runkieliu apalpusi. } 2 k.

 

Jūs ronkelis, jūs baltuosis,

Daugiau jūsa nebbučiūsiu. } 2 k.

 

Palūkieki, bernuželi,

Dar aš eisiu i svirneli. } 2 k.

 

I svirneli iejusi,

Ont luovelis apalpusi. } 2 k.

 

Tu luoveli, tu marguoji,

Daugiau tavī nebguliesiu. } 2 k.

 

Pruo vīšneliu suodneli

 

Pruo vīšneliu suodneli,

Pruo rūteliu darželi,

Oi, atjuo atjuo } 2 k.

Trīs jauni berneliai.

 

Ir išeji muotīneli

Ir užkieli kiema vartus:

– Prašuom pruo šali, } 2 k.

Trīs jauni berneliai.

 

Nepaauga dukreli,

Nesukluojau kraiteli,

Dar mun ne laikas } 2 k.

Su tamstuom kalbieti.

 

Pruo vīšneliu suodneli,

Pruo rūteliu darželi,

Oi, atjuo atjuo } 2 k.

Trīs jauni berneliai.

 

Ir išeji muotineli,

Ir atkieli kiema vartus:

– Prašuom i kiema, } 2 k.

Trīs jauni berneliai.

 

Jau paauga dukreli,

Jau sukluojau kraiteli,

Dabar jau laikas } 2 k.

Su tamstuom kalbieti.

 

– Imkit, vīrai, kirvelius,

Kirskim svirna durelis,

Taip mes išvešma } 2 k.

Panelis kraiteli.

 

– Oi Dievuži Dievuželi,

Oi Dievuži Dievuželi,

Kaip mes išvesma } 2 k.

Panelis žirgeli?

 

– Imkiam, vīrai, kamanelis,

Maukiam žirgou un galvelis,

Taip mes išvesima } 2 k.

Panelis žirgeli.

 

– Oi Dievuli Dievuleli,

Oi Dievuli Dievuleli,

Kaip mes išvešma } 2 k.

Ir pati paneli?

 

– Imkiam, vīrai, iš viena,

Nepaleiskem nie viena,

Taip mes išvešma } 2 k.

Ir pati paneli.

 

Ein našlielis par tiltieli

 

Ein našlielis par tiltieli,

Met vainika i upieli. } 2 k

.

Bieg upieli Vingurdama,

Neš vainika lingaudama. } 2 k

.

Ir nuneši nulingava

Pruo berneli marga dvara. } 2 k.

 

Ir išeji bernuželis,

Ir pajiemi vainikieli. } 2 k.

 

Silkun kuskuon suvīniuoji,

Marguo skrīniuo pakavuoji. } 2 k

.

Viena karta paveizieji –

Vainikielis žals tebiera. } 2 k

.

Antra karta paveizieji –

Vainikielis dar žaliesnis. } 2 k

.

Trieti karta paveizieji –

Vainikielis supeliejis. } 2 k.

 

Vainikieli žaliūkieli,

Kuo taip greitai supeliejai? } 2 k.

 

Del tuo greitai supeliejau,

Kad su našliu suderiejai. } 2 k.

 

Oi, eisiu eisiu

 

Oi eisiu eisiu,

Aš čia nebūsiu,

Čia ne mana nameliā.

 

Čia juoda duona –

Nie tuos neduoda,

Už raktelia laika.

 

Už rakta laika,

Rīkeliems raika,

Mums valgīti neduoda.

 

Ilgiau pabūsiu, –

Didžiau sudūsiu,

Kaip lindreli svīrū(s).

 

Svīru lindreli

Ont ežerelia,

O aš už bernužia.

 

Kuoki Dievas davi lauža

 

Kuoki Dievas davi lauža,

Tuoki reik vartuoti.} 2 k

.

Kuoki Dievas davi vīra,

Tuoki reik mīlieti. } 2 k.

 

Rugiai miežiai nederieji,

Sviets tap nedejava. } 2 k.

 

Kaip aš jauna merguželi,

Berneli barama. } 2 k.

 

Bluogi metā visam svietū

O blogs vīrs man vienai. } 2 k

.

Augin tievs du sūneliu

 

Augin tievs du sūneliu, du sūneliu,

Kai du baltu balandeliu balande(liu).

 

Augindama labai džiaugies, labai džiaugies,

Saki – paaugs artojeliai artojel(iai).

 

Saki – paaugs artojeliai, artojel(iai),

Paauga kareiveliai kareivel(iai).

 

Išleisdamas i karuže, i karuže

Davi strielba karubina karubi(na).

 

Davi strielba karubina, karubina

Ir štuobleli prikabina prikabi(na).

 

Pats pulkauninks pirma juoji,

Pirma juoji,

Su granatuoms širdi vieri, širdi vie(ri).

 

Nu tū dūmu galva skausta, galva skausta,

O nuo krauja širdis alpsta, širdis alps(ta).

 

Auga un kalna jūdas avieteles

 

Auga un kalna jūdas avieteles,

Auga un kalna jūdas avieteles,

O pakalnie – žemūne(les). } 2 k.

 

Stuovieja žirgelis kiemi pabalnuotas,

Stuovieja žirgelis kiemi pabalnuotas,

Kamanieliems pažabuo(tas). } 2 k.

 

Stuovieja seseli pri bruolia šalelis,

Stuovieja seseli pri bruolia šalelis,

Stuovieja graudžiai verk(i). } 2 k.

 

– Neverk, seseli, balta lelijeli,

Neverk, seseli, balta lelijeli,

Aš parsiunsiu tau laiškeli. } 2 k.

 

Parbieg žirgelis, paršvīsū balnelis,

Parbieg žirgelis, paršvīsū balnelis,

Parneš bruolia duovene(li). } 2 k.

 

Auksa karūna ir šilka mandūra,

Auksa karūna ir šilka mandūra,

Visa krauju sulaistī(ta). } 2 k.

 

Pluovi seseli bruolia mandūreli,

Pluovi seseli bruolia mandūreli,

Sava graudžiuoms ašareliems. } 2 k.

 

Džiuovina matuši sūnaus mandūreli,

Džiuovina matuši sūnaus mandūreli,

Sava sunkiais atdūkseliais. } 2 k.

 

Kad mumis kirta, sauleli telieja,

Kad mumis kirta, sauleli telieja,

O kad veži, užsileida. } 2 k

.

Kas mumis veži par žali gireli,

Kas mumis veži par žali gireli,

Šeši šimtai vaiska juoji. } 2 k.

 

Kad mumis neši i Vilniaus bažnīči,

Kad mumis neši i Vilniaus bažnīči,

Šeši šimtai žvakiu degi. } 2 k.

 

Kad mums ineši i Vilniaus bažnīči,

Kad mums ineši i Vilniaus bažnīči,

Laiki kunigas žielaunas mišias

Už kareiviu dūšelės.

 

Nuneši mumis i Vilniaus kapelius,

Nuneši mumis i Vilniaus kapelius,

Šeši šimtai palīdieja. } 2 k.

(Dainų tekstai ir natos pirmą kartą paskelbtos knygoje „Varniai”. V., 1996. P. 231–243)

[Pasikloniojimas] [Postilė] [M. Daukša ir M. Giedraitis] [Tėvų žemė] [Papročiai] [Kalba] [Istorija] [Meno svetainė] [Valstybinė programa] [Renginiai] [Žiniasklaida] [Naujienos] [Informacija] [Turinys] [Atsiliepimai] [Pradžia]